பெண் குழந்தை

எவ்வளவு பேருக்கு உங்களுக்கு பெண் ,பிறந்திருக்கிறது, அம்மா! என்றோ அல்லது சார்.! என்றோ கேட்கும் பாக்கியம் கிடைக்கும்?
எங்கள் தலைமுறையில் நிறைய பேருக்கு அது கிடைத்தது.
அப்புறம் தான் பிறக்கப்போகும் குழந்தையின் ஜென்டர் டெஸ்ட் வந்தது.
தொடர்ந்த விளைவுகள் எல்லாம் நமக்குத் தெரியும்.
இப்போது உள்ள புது கணக்கெடுப்பின் அளவுப்படி பெண்கள் எண்ணிக்கை இந்தியாவில் குறைந்து விட்டதாம்.
இந்த குழந்தையின் புகைப்படத்தைப் பார்த்ததும் இத்தனை களங்கமில்லாத சிரிப்பை பார்த்ததும்,
எனக்குத் தோன்றிய நினைவுகள் இவை. எவ்வளவோ நியாயம் கற்பிக்கப் படலாம் பெண் குழந்தை வேண்டாம் என்று சொல்வதற்கு. கடவுளே வேண்டாம் என்று தீர்மானித்து இருந்தால் நான் இங்கே இப்படி ஒரு கணிணி முன்னால் உட்கார்ந்து என் சுற்றத்திற்காக இதை எழுதிக்கொண்டு இருக்க மாட்டேன்.

"மங்கையராகப் பிறப்பதற்கே
நல்ல மாதவம் செய்திடல் வேண்டும் அம்மா"
இந்த சொல்லே உண்மையாக வேண்டும்.